لأى بنت مقهوره
وعايزة تنتقم من
أخوها وترفع له ضغطه
**لو فى مباراه فى التلفزيون**
لو فى مباراه واخوكي متحمس تقطعى الحماس ده ازاي ؟؟
أنا أقولك .. استنى لحد ما يندمج اوى مع المباراه
وهتعرفى أنه أندمج لما تلاقى عنيه مفتوحين على
الأاااخر ومش هامه حد يعنى ممكن تجيبى صاروخ تفجريه
جنبه ولا هياخد باله
هنا بقى قومى بدورك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنا مش فاضيالك أنا بنضف وبمسح
وبعدين روحى جيبى المكنسه واكنسى المكان اللى
هو فيه وحاولى كل شويه تكنسى بالمكنسه ( ام صوت عالي ) قدام التلفزيون
يعنى لا صوت ولا صوره
وغطى عليه ولا يهمك
ولوقال ابعدى وحسيتى أنه هيحدفك بحاجه
قولى يعنى اسيب البيت كده والضيوف جايين في السكة
وبعد كده اعملى أنك نسيتى الكيك فى الفرن
ودوسى على رجليه واجرى وماتبصيش وراكى
*عند النوم*
لما تحسى أنه دخل فى النوم وسمعتيه بيشخر
هاتى اى طفل يقابلك ابن اختك او اخوكى الصغيرين
ابن الجيران ان شالله ابن البواب
ودخليه يلعب فى اوضته فوق راسه
وقوليله الأطفال احباب الله
اوتعالى وهو فى سابع نومه وخضيه الخضه اللى تصحيه من احلي نومه
وبكل برود قولى له(عايزين نخرج)
ولوشفتيه مش رايق ومالوش خلق
اوعى تخافى هى دى فرصتك
بس خلى بالك من حركات اديه
وحضرى مفتاح اوضتك علشان هاتحتاجيه
واتريقي على شكله وعلى شعره وقعدته
وعلى هدومه
واذا قال ابعدى علشان أنا مش رايق
زودى العيار حبتين
ولو حسيتى باى غدر
استعملى مفتاح اوضتك واقفلى على نفسك
*وقت المعركه*
ولو طقت فى دماغك وحبيتى انك تقومى
بمعركه انتى وهو
لازم تجهزى نفسك من كل ناحيه
اللبس :لازم تلبسى ترنج علشان يسهل الجري
الشوشه :لازم تلميها وتعملى حفله ايشاربات فى راسك
وانتبهى ولا خصله تنزل من شعرك
واليوم ده ياريت تكونى حاطه حنه على راسك
علشان مايتجرئش يلمس شعرك
آه اوعي تنسي مفتاح الاوضه لأن الأحتياط واجب
اذا بدئت المعركه اوعى تبينى انك خايفه
وأول ما ايده تطول
اوعى تستسلمى واديله
طاااااااااااااااااخ
بالبوكس فى عينه علشان مايشفش ادامه
وحطى رجلك ادامه
وعلى طووووووووول
على اوضتك اللى مجهزه مفتاحها قبل كده
بس نصيحه اقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الضهر